Ritið Minnisvarðar í Skagafirði var gefið út og unnið af nemendum Varmahlíðarskóla árið 2005. Þetta er merkileg heimild og ýtarlegur vegvísir um yfir fjörutíu minnismerki vítt og breytt um héraðið. Ritið fæst m.a. í Upplýsingamiðstöðinni í Varmahlíð. Minnisvörðum eru oft valdir fallegir staðir sem gaman er að koma á, margir með fögru útsýni til sjávar eða sveita, og því upplagt að grípa ritið með og fara í eftirminnilega ferð sem tengist sögu og menningu Skagafjarðar. Myndir og upplýsingar er hægt að nálgast með því að smella hér!