Skagfirðingar hafa löngum verið kunnir af öflugu félagslífi. Fyrr á öldum var vel þekkt að bændur og búalið færu í hópum milli bæja til að taka saman lagið. Þótt sönglistin sé allajafna stunduð á annan hátt í dag er óhætt að fullyrða að stór hluti Skagfirðinga syngi í kórum eða eigi nána ættingja og vini í kór.

Meðal kóra og sönghópa í Skagafirði má nefna Karlakórinn Heimi, Rökkurkórinn, Álftagerðisbræður, Skagfirska kammerkórinn og Óperu Skagafjarðar, auk fjölmargra kirkjukóra.