Sundferðir eru bæði frískandi og slakandi afþreying á ferðalögum, en í Skagafirði eru yfir sumartímann opnar alls sex sundlaugar vítt og breitt um fjörðinn. Sundlaugarnar á Sauðárkróki og í Varmahlíð eru opnar allt árið. Á öllum sundstöðunum eru notalegir heitir pottar þar sem upplagt er að slaka á eftir góðan ferðadag í Skagafirði. Sundlaugar eru á eftirtöldum stöðum: Sauðárkróki, Varmahlíð, Steinsstöðum, Bakkaflöt, Hólum í Hjaltadal og Sólgörðum í Fljótum. Á Hofsósi hefur verið byggð glæsileg sundlaug, sem var tekin í notkun 27.mars 2010.