Akstur torfæruhjóla er vaxandi íþrótt sem mikill áhugi er á á Sauðárkróki. Ný og glæsileg keppnisbraut hefur verið opnuð við Gönguskarðsána, norðan við bæinn.

Við motocrossbraut Vélhjólaklúbbs Skagafjarðar er félagsheimili klúbbsins þar sem hægt er að hvíla sig eftir æfingu ef aðstaðan er opin. Brautin sjálf er um 1,3 km, fjölbreytt, tæknilega krefjandi og hefur hún fengið gott lof þeirra sem hana hafa reynt.
Hægt er að kaupa dagpassa í brautina á Bláfelli sem er staðsett beint á móti Sundlaug Sauðárkróks. Dagpassinn kostar 1000.-
Ekki hika við að koma í heimsókn og taka nokkra hringi í brautinni yfir sumarið.

Nú í ár (2011) verður haldið íslandsmót í motocrossi á vegum Vélhjólaklúbbs Skagafjarðar.
Mótið verður 4. Júní 2011 í braut félagsins og hvetur klúbburinn alla til að kíkja á skemmtilega afþreyingu og njóta dagsins með þeim.