Lýtingsstaðir eru hrossaræktarbú við veg nr. 752, um 15 mínútna akstur frá Varmahlíð.
Boðið er upp á stuttar hestaferðir með leiðsögn í fallegu umhverfi.
Farið er einungis með litla hópa. Frábærir hesta sem henta vönum og óvönum knöpum.
Lágmarksaldur er 6 ára. Hægt er að teyma undir yngri börn heima á bænum eða koma í sveitaheimsókn með hestaknús. Nauðsynlegt er að bóka tíma.
Syðra-Skörðugil býður upp á 1 og 2 klukkustundna hestaferðir. 1 klst hestaferð þar sem farið er um hluta Syðra-Skörðugils. Fyrir byrjendur og lítið vana. 2 klst hestaferð í landi Syðra-Skörðugils. Í ferðinni er hægt að njóta kyrrðar í yndislegu landslagi og fallegu útsýni.
Skíðasvæðið í Tindastóli hentar sérlega vel fyrir alla fjölskylduna. Þar er að finna tvær lyftur ásamt töfrateppi. Neðri lyfta fer í 1100 metra hæð (440 metra yfir sjávarmáli) og eru 2 brautir norðan og vestan megin. Efri lyftan byrjar þar sem fyrri endar, er 1000 metrar á hæð og fer alveg upp á topp Tindastóls þar sem lofhæðin er 903 metrar yfir sjávarmáli og útsýnið einstakt. Stökkpallar og brautir eru fyrir snjóbrettafólk í Tindastóli. Göngubraut er troðin alla daga sem opið er á svæðinu. Troðinn er 4-7 km hringur í fjölbreyttu landslagi, en einnig er hægt að fara styttri hring á tiltölulega sléttu svæði.
Hlíðarendavöllur á Nöfunum á Sauðárkróki er einn lengsti og glæsilegasti 9 holu golfvöllur landsins og fær einróma lof þeirra sem hann sækja. Hann þykir sérstaklega erfiður fyrir þá sem spila á rauðum teigum. Af hvítum teigum er völlurinn tæplega 6000 metrar. Af gulum teigum 5636 metrar og af rauðum 4876 metrar. Á Hlíðarendavelli spilar þú golf með frábært útsýni yfir eyjarnar í Skagafirði.
Bakkaflöt
Rúnalist Gallerí – Stórhól
Rúnalist Gallerí framleiðir vörur úr hráefni af býlinu s.s. skinnum, ull og hornum. Vörur beint frá býli og húsdýraskoðun t.d. íslenskar landnámsgeitur.
Sundlaugin í Varmahlíð er vinsæl fjölskyldulaug með tvær rennibrautir. Önnur er lítil og góð fyrir þau minnstu en hin er stór og hentar betur fyrir eldri börn. Laugin skiptist í 25 metra laug og 8 metra laug sem er grynnri og heitari og hentar einstaklega vel fyrir alla fjöslkylduna. Stutt er í Reykjarhólinn frá Sundlauginni í Varmahlíð, en þar er að finna skemmtilegar gönguleiðir fyrir alla aldurshópa og einstakt útsýni. Við hliðina á sundlauginni er körfuboltavöllur og aðeins ofar er að finna sparkvöll og ærslabelg.
Heitt vatn rennur í iðrum jarðar í Skagafirði. Fyrir vikið er þar að finna allamargar heitar náttúrulaugar.
Sýningar Byggðasafns Skagfirðinga eru í þremur húsum á safnsvæðinu í Glaumbæ. Í gamla torfbænum, sem er hluti af húsasafni Þjóðminjasafns Íslands, er sýningin „Mannlíf í torfbæjum“. Þar stíga gestir aftur í tímann þegar þeir ganga inn um bæjardyrnar og fá innsýn í daglegt líf fólks sem bjó í slíkum húsum á Íslandi á 19. og í byrjun 20. aldar.
Á safnsvæðinu standa einnig tvö timburhús frá 19. öld. Í Gilsstofu eru sýningar á tveimur hæðum en í Áshúsi er kaffistofa safnsins ásamt nokkrum smærri sýningum.
Drangeyjarferðir
Um þessar mundir eru tvær sýningar í gangi í setrinu. Annars vegar er sýning sem dregur upp mynd af mikilvægi íslenska hestsins í daglegu lífi þjóðarinnar á 20. öld, og hins vegar sýning sem fjallar meðal annars um litafjölbreytileika íslenska hestsins og litaerfðir, stofnun upprunaættbókarinnar, heiðursverðlaunahross, afrekshross og önnur lykilviðfangsefni sem tengjast íslenska hestinum.
Opnunartími:
Opið frá 1. júní til 31. ágúst, 11:00–17:00 (laugardaga lokað).
Samgöngusafnið í Stóragerði var formlega opnað þann 26. júní 2004. Þá var safnið 600 fm salur með lítilli gestamóttöku. Á nokkrum árum var umfangið á safninu orðið það mikið að stækka þurfti salinn um 800 fm ásamt gestamóttökunni, byrjað var á því haustið 2010 og var full klárað fyrir sumarið 2013. í dag eru um 100 tæki til sýnis í salnum og má þar nefna bíla, rútur, mótorhjól, snjósleða, búvélar, flugþyt og ekki má gleyma öllu því smádóti sem tengist samgöngusögu Íslendinga. Fyrir utan safnið og í kringum það má svo áætla að séu í kringum 200-250 bílar og tæki í misgóðu ásigkomulagi sem flestum gestum okkar þykir ótrúlega gaman að skoða. Verið velkomin í Stóragerði
Gallerí Alþýðulist
Gallerí Alþýðulist er handverkssala í Varmahlíð í Skagafirði. Í yfir 30 ár höfum við selt handunnar íslenskar vörur frá handverksfólki á svæðinu.
Félagar í Alþýðulist, sem er handverksfélag í Skagafirði, búa til fjölbreytta hluti – stóra og smáa – úr ýmsum náttúrulegum hráefnum eins og ull, hrosshári, tré, beini, horni, skinni og roði.
Sérstaklega má nefna peysur sem félagsmenn létu hanna fyrir félagið, sem bera nöfnin „Undir bláhimni“ og „Undir gráhimni“. Einnig er hægt að fá húfur og vettlinga með sama munstri. Peysurnar hafa verið geysi vinsælar meðal gesta víðs vegar að úr heiminum.
Auk þeirra er fjölbreytt úrval af öðrum fallegum peysum ásamt fallegu handverki til sölu hjá okkur.
Lögð er mikil áhersla á vönduð vinnubrögð, íslenska hefð og fallegt handverk.
Vesturfarasetrið á Hofsósi
Söguskjóðan býður upp á tilbúnar ferðir með leiðsögn á Norðurlandi vestra. Einnig tökum við að okkur klæðskerasniðna leiðsögn og rútuakstur fyrir hópa eða fjölskyldur.
Hóladómkirkja er elsta steinkirkja landsins vígð árið 1763. Þar er að sjá helstu þjóðargersemar okkar íslendinga, Hólabríkina, sem er frá 1520 og skírnarfont frá miðöldum og frumeintak af Guðbrandsbiblíu sem prentuð var á Hólum 1584. Í Hóladómkirkju er messað alla sunnudaga kl. 14:00 og tónleikar kl. 16:00 frá 14. júní - 23. ágúst. Messukaffi er í boði Hólanefndar.
