Gisting

Hótel Tindastóll & Annex

Njótið rómantískrar dvalar á einu elsta hóteli landsins, Hótel Tindastóli (hótel síðan 1884), þar sem andi liðinna tíma svífur yfir vötnunum. Hótelið var tekið til gagngerar endurgerðar árið 2000 og eru þar nú 10 herbergi með baði í gömlum og rómatískum stíl og 10 í nútímastíl en allt með nútíma þægindum; sjónvarpi, interneti. Í hótelgarðinum er hlaðin laug þar sem hótelgestir geta átt notalega stund í kvöldkyrrðinni. Hótelið er vel staðsett rétt við aðalgötuna í gamla bænum á Sauðárkróki.

Lindargata 3, 550 Sauðárkrókur

https://www.arctichotels.is,003544535002

Grand-Inn Bar and Best gistihús

er með fimm 2 manna herbergi (2 hjóna og 3 twin). Húsið hefur upp á að bjóða fullbúið eldhús, þvottavél og þurrkara, sjónvörp í öllum herbergjum, frít WiFi, sameiginlegt bað og auka WC. Ekki er verra að bar bæjarins er við næstu dyr. Opið allt árið - endilega hringið til að fá gott verð. Það er hægt að fá sér verð fyrir hópa sem bóka allt húsið (í minnst 2 nætur)

Aðalgata 19, 550 Sauðárkrókur

003548445616

Dalasetur

Dalasetur er einstakur áfangastaður í hjarta Unadals, aðeins 5 km frá Hofsósi, þar sem kyrrð, náttúrufegurð og þægindi mætast. Falleg bjálkahús standa í stórbrotnu landslagi með víðáttumiklu útsýni yfir fjöll, jökul og haf.

Gestahúsin eru smekklega innréttuð og fullbúin öllum nútímaþægindum, þar á meðal eldhúsi, WiFi og uppábúnum rúmum fyrir allt að fjóra fullorðna. Hér getur þú slakað á í rólegu umhverfi án þess að gefa eftir þægindin.

Gestir geta dekrað við sig með nuddi, slakað á í sauna og heitum potti eða notið útivistar í frisbígolfi og fjallgöngum. Á staðnum er einnig hlýlegt kaffihús þar sem hægt er að njóta gæða Skagfirks kaffis.

Dalasetur er fullkominn staður fyrir þá sem vilja upplifa náttúruna og hlaða batteríin sín með sínu besta fólki.

Hótel Mikligarður

Hótel Mikligarður er sumarhótel staðsett í heimavist Fjölbrautaskólans Norðurlands vestra á Sauðárkróki. Hér eru í boði 65 herbergi með baði (einstaklings, tveggja-, þriggja manna eða fjölskylduherbergi). Þráðlaust net er að finna í hverju herbergi og er sjónvarpsstofa á hverri hæð. Boðið er upp á morgunverðarhlaðborð á hverjum morgni og er vínbar að finna í anddyri hótelsins. Starfsfólk okkar aðstoðar þig síðan eftir besta megni við að skipuleggja dvöl þína hér í fríinu og gera hana sem ánægjulegasta.

Skagfirdingabraut 24, við Saudárhlíd, 550 Sauðárkrókur

https://www.arctichotels.is

003544535002

Glæsibær

Við erum hestabú og gistiheimili á norðurlandi Íslands. Við erum bóndabær á Norðurlandi, í Skagafirði. Við eigum um 80 hesta, meira en 100 kindur, hund og kött. Við bjóðum upp á gistingu í Gestiheimilinu okkar með sjö rúmum í fjórum herbergjum. Svo ef þú vilt njóta náttúrunnar og fegurðar Skagafjarðar, skaltu endilega heimsækja okkur og skoða! Gisting í 4 herbergjum með sameiginlegum aðstöðu, 3 tveggja manna herbergi og 1 eins manns herbergi. Eldhús aðstaða. Morgunverður ef bókaður fyrirfram. Rúmgott borðstofa og setustofa. Heitur pottur, svalir með grill.

Glæsibær, 551 Sauðárkrókur

https://glaesibaer.blogspot.com/

003544535530

Sölvanes

er lítið fjölskyldufyrirtæki, staðsett 21 km sunnan við Varmahlíð, við veg 752. Boðið er upp á gistingu í 2 húsum með sameiginlegu baði. Gönguleiðir eru beint upp frá bænum og í næsta nágrenni. Stutt í ýmsa afþreyingu s.s. hestaleigu og flúðasiglingar. Góð tenging er við Kjalveg og Sprengisandsleið. Við rekum sauðfjárbú og bjóðum upp á sveitaheimsóknir og afurðir seldar á staðnum beint frá búinu. Verið velkomin!

Sölvanesi, 561 Varmahlíð

https://www.solvanes.is

003544538068

Ferðaþjónustan á Hólum í Hjaltadal

Ferðaþjónustan á Hólum býður upp á gistingu, í uppbúnum rúmum eða svefnpokagistingu. Hólar í Hjaltadal eru meðal merkustu sögu- og menningarstaða landsins, enda fjölsóttir af ferðamönnum. Einkum eru það sagan, náttúrufegurðin og Hóladómkirkja sem heilla, auk þess sem sem staðurinn skipar ákveðinn heiðurssess í hugum aðdáenda íslenska hestsins víða um heim.

Hólar í Hjaltadal, 551 Sauðárkrókur

https://www.visitholar.is

003546624156

Gistiheimili Karuna

er fjölskyldurekið gistiheimili staðsett við þjóðveg 75, mitt á milli Varmahlíðar og Sauðárkróks. Við erum staðsett á sveitabæ og bjóðum upp á stórkostlegt útsýni, hesta á beit, hænur á vappi og nokkra hunda að leik. Gistiheimilið telur 10 herbergi, fimm 2ja manna með sameiginlegu baðherbergi og fimm stærri herbergi með sér baðherbergi sem rúma allt upp í 5 manna fjölskyldu. Það er sameiginlegt eldhús og borðstofa fyrir öll herbergi.

Litlu-Gröf, 551 Sauðárkróki

https://www.karuna.is,003546181917

Lýtingsstaðir

Lýtingsstaðir býður upp á gistingu í þremur gestahúsum (20fm og 41fm) sem hýsa 4-6 manns. Lýtingsstaðir er staðsett 19km frá þjóðveg 1, sunnan við Varmahlíð og beint fyrir neðan Mælifellshnjúkinn. Í húsunum er sér baðherbergi með sturtu. Einnig lítið eldhús með tveimur hellum, ísskáp og brauðrist, pottar og leirtau. Setlaug er á milli húsanna þriggja. Á bænum er boðið upp á stuttar hestaferðir fyrir vana og óvana og hægt er að skoða torfhesthúsið með sýningu t.d. á gömlum reiðtygjum.

Lýtingsstaðir, 561 Varmahlíð

https://www.lythorse.is

003544538064

Brúnastaðir er býli sem staðsett er við utanverðan Tröllaskaga, mitt á milli Hofsós og Siglufjarðar. Þar e fjölskyldurekið bú með ferðaþjónustu. Leigð eru út tvö stór hús í heilu lagi sem að hafa 10 rúm hvort um sig. Heitir pottar eru við bæði húsin. Mjög fjölskylduvænt umhverfi þar sem húsunum fylgir aðgangur að litlum dýragarði og frjáls aðgangur að tveimur 'sit on top' kajökum á Miklavatn sem er skammt frá. Tröllaskaginn er paradís fyrir útivistarfólk með ótal gönguleiðum í fögru umhverfi. Stutt í skemmtileg söfn og veitingastaði á Siglufirði og Hofsósi.

Brúnastaðir, 570 Fljótum

https://www.brunastadir.is

003544671020

Gistiheimilið Gimbur

Gimbur er staðsett nyrst á Tröllaskaga mitt á milli Hofsóss og Siglufjarðar. Fjöldi gönguleiða bæði til fjalla og við hafið og mjög fjölbreytt fuglalíf. Í húsinu er fyrirmyndar aðstaða fyrir allt að 20 manns, með heitum potti, samkomusal, góðu eldhúsi og grilli. Sólin sest ekki í 3 vikur á sumrin. Á veturna er staðurinn frábær fyrir skíðafólk og stjörnu og norðurljósa.

Reykjarhóli, 570 Fljótum

https://www.reykjarholl.is

003548993183

Bændagisting á Hofsstöðum

Bændagistingin á Hofsstöðum býður ferðamönnum upp á að eiga notalega dvöl í fögru umhverfi miðsvæðis í Skagafirði þar sem nær jafnlangt er til allra þéttbýlisstaða í Skagafirði. Frá Hofsstöðum er fallegt útsýni yfir fjörðinn og stutt í áhugaverða staði og fjölbreytta afþreyingu. Góð staðsetning til að eiga notalegt frí í Skagafirði og til ferðalaga á Norðurlandi.

Hofsstöðum, 551 Sauðárkróki

https://www.hofsstadir.is+3544537300

Hótel Varmahlíð

Huggulegt 19 herbergja hótel í Varmahlíð. Öll herbergin eru með sér baðherbergi og uppábúnum rúmum. Góð wifi tenging er á öllu hótelinu. Morgunverður er innifalinn í verðum. Hótelið er vel staðsett, bæði fyrir gesti sem eru á ferðinni norður eða suður og einnig fyrir þá sem vilja dvelja í Skagafirði og njóta alls þess sem fjörðurinn hefur upp á að bjóða.

Hótel Varmahlíð, 560 Varmahlíð

https://hotelvarmahlid.is

003544538170

Hafðu samband